Ur txiki, ur guztiak

Muniategi, Sabin

 Sorburuzko bolbolaz

 lurreko iturriak,

 zerbait bidean utziz

 ur txiki, ur guztiak

 lats, ibai, ta errekaz,

 ur andirantza doaz

 edurren ur ta, euriz

 geituak, ibarretaz...

 Ibilizkoan, deslai,

 arantzakaz, larrakaz,

 ainbat neke, oztopoz

 esizko andaparaz

 arkituko dira bai,

 aldiko goibel, laiñoz

 ta, egun argiakaz

 itxasorantza, alai.

 Atzeraka egiñik

 etzanda, bertanbera,

 itxasoko bildurraz

 eztago gelditzerik

 ez ego, ez iparraz,

 norbere arabera

 bertan loak arturik

 amets ustelakaz.

 Ibili egin bear

 eta, aurrera iarrai

 bidez-goiz ta iñular-

 begiak argi, ernai.

 Ibili, negar ta par,

 ibili aldanaño

 ur andian, bat-bakar,

 bat egin arteraño.