Udazkengo eguzkia
Muniategi, Sabin
Udazkengo eguzkia ostentzera doa
geldiro ta urretsu azkenengo izpietan
ta, urrunan dantzugu itxasoaren mintzoa
illuntzeko olatu-gainberatze bizietan.
Itzala nagosituz dator gau illunera
ta, abotsak naastutzen ari dira ixilki,
moteltasunean jauziz amil sakonera
ortzi goian biztuaraziz ainbat izar argi.
Gaba gabekoz jantzi da soņeko mantarrez
izpirituzko oldozkunetan arnastua,
argirik ezak damoskun berezko bildurrez.
Eguna motzago ta gaba luzeagoa,
biztu bai maitasunez biotzetako sua,
zuzpertuz gure bizi-nai-ta, gure gogoa.
