Udaberri goizean

Muniategi, Sabin

 Udaberri goizean

 abar-arteko ego-ots bizi

 eta, lorerik lore,

 inguma eta, erleak,

 bideetan itxaropena

 begietara zekarren,

 zorionezko iturri,

 emai zerutsuz bete

 eta, ederraren ederrez,

 biotzak aberastuz.

 Baita, nere atz bizirtan,

 ainbeste itz eder, sortu berri,

 ernemin, egaka zeuden,

 zure biotz maitean

 sustartzeko gosez,

 Eta, zu ziñan dana;

 nere itz, nere abesti,

 zu ziñan biziaren poz,

 eguzki goitiar, sutsu,

 eta, nere illargi;

 zuri begira noiz neretako

 zuri biotz-begi eta, irriparre,

 gero nerea zuretuz,

 pozik aundienarekin

 betiko jabetuz!