Udabarriko egun bat

Muniategi, Sabin

 Illuntzeak gorrizka ta urretsu,

 egun eder baten gardena zeukan;

 amets guztien egoak dirdaitsu

 beren arteko oldozkun burrukan.

 Orrilla lora usaindurapean

 Jaungoikoaz kantari. Orriak bigun

 aize kirriaz jostatzen zirean

 alkarkidetasun betean, kutun.

 Eder-bizi, zugaitz aldaburuetan

 eres-mintzo leguna goratu zan

 beren margozko ezetasunetan

 eurek bakarrik dakijen berbetan.

 Udabarria birbizte betean

 biotz-begietaratzen zan, alai,

 euski sarrerako eguratspean

 altxortuz ainbat maitetasun pozgai.

 Eguna gaubidezko gurpillean

 sartu zan besoak zabalduz loari,

 urrengo egun arginabarrean

 bizi-poza eskeintzeko goizari