|
Txakurtxoa
Muniategi, Sabin
Buztan luze-luzea
dadukan txakurtxoak
dagiz alegintxoak,
agertuz asarrea...
Bira-biraka dabil
koska nairik itzala,
egiņik egiņala
biraka, ain txoratil!
Mingaņa aterata
ta, izerdi patzetan
or dabil bai, lur-jota,
arrapatutzekotan.
Ai, mamuren batena
isats ori ez ote?
Ori isats igeste
ta, txakurraren pena!
Biraka guztiz arin
alegiņak alegin,
ibiliarren, ai, ezin,
Ezin ba, ezer egin!
Buztan orrek zer dauko
ain azkar ibilteko?
Ai, txakurņo gixajo!
Zeri begira ago?
Zure atze aldeko
buztana dek bai ori
ta, ez dek arrapako
ibiliarren urduri!!
|
