Txakolin

Munitagei, Sabin

 Txakolin, txakolin... Oi, gure, gure txakolin:

 Bizkaia'ko Bakion izan edo Getarian.

 Txakolin zuri, txakolin gorriak on egin

 gure bizi-poza biziro alaitu dadin!

 Txakoliñaren edangarri, txakoliñaren

 urregorrizko gardentasun argi, gozoa,

 Gaztelugatxeko arkaitzpeko ta, Xaguren

 itxas-aizekirri kresaltsuz ondutakoa.

 Txakoliñ usaiñera aunitz urbiltzen dira

 gazte ta zaar, bertsoetarako zaletasunez

 txakoliña dakusgula, eskurik eskura.

 Zurrut ta zurrut ezpanak berbalari dabiltz

 iñoizko bizkortasun baikor ta, oldartasuenez,

 txori txirriporru antzo, zoro, itz eta pitz!!