Sorroa leporaturik

Muniategi, Sabin

 Bidazti zorroa leporaturik

 zeu dan-dana izanik itxaropen

 eta, gogoz; biotzez ekintzaturik

 zoaz zeure bizia irabazten

 eta, zabaldu zaitez ereintzara

 edegiz gogoa, biotza bein baten:

 emon zaitez onezko uberkara

 zeure lurraren zeure inguruaren

 bizi-taupadak gogoz entzutera

 zoaz edermin, biotza zabaldurik...

 Ibilia neketsua izan-arren

 eldu, elduko zara uztatzera

 maitetasunez zuk ereindakoren

 gari-ale, biotz-ale eder, onak,

 gizon arteko bizitza beraren

 urregorrizko atal gozatsuenak

 ikasten ba-dozu biotza ereiten

 maitez, alde batetik ta bestera,

 ikasten ba-dozu bai argiratzen.