Ondoratzea
Muniategi, Sabin
Endaia ankazgoratuta eta erdi oker.
Itxasoa sartzen zaio bai bizkar zauritik;
Metaturiko ametsak ain txolin ta eder,
Aizearen zigorrak barruraņo sarturik...
Intxaur oskola, deusaren densa, azal eri!
Aldiaren indarkeri, gogortadapean
Murgiltzen da odol aizetearen menean
Erasoaren erasoz minberatua beti.
Galtzera, ondora doa ametsa Azkortzen
Ari da bai nabarmen, etsipenaren sena,
Geldiro-geldiro doa beruntz, ondoratzen,
Antzitasunezko osin, uraren barrena.
Berriro asi, orain asi egin bear da
Asi igotzen ametsen zugatz mardulera.
Berrien berri asi, etsipenez betea,
Gero itxoiteko urrengo ondoratzea.
