Neurea da bidea

Muniategi, Sabin

 Ez. Ez dot esango ez neurea danik aizea,

 ez basabidez datorren txori-txintadea,

 ez itxasoaren apar zurizko soñekoa,

 ez arrano baltzaren goitik-beerako soa.

 Ez, ezin neike esan, aizea ta argia,

 neureak diranik ez eguzkita illargia,

 eguna ta gaba, goiza ta arratsaldea

 neureak diranik, eztere goiko izarpea.

 Ez! Ez! Baña nik aizeaz, itxasoaz nabil

 ta, gozoro dantzut txoriño txirripitaria,

 udatiar karnabatxu abeslari txoratil.

 Ameseta utsa. Baña, neurea da bidea,

 gogo-biotzezko goiz-arratsen urreteria,

 orokorra danarren barrutik ain da neurea!