Maxiaketa

Muniategi, Sabin

 Gaur zuek zaarretaz maxiatzen zarienez

 ez zaitezela ez, gero, maxiatuak izan

 geiegizko jakinduri ustekizunakaz

 ibiliz arro, aurrelari lez gizartean

 Azpijorrazko ollarkeri, aundikeriak,

 ez dira on ezeren aurrerapenerako,

 ez dira ezta batere onuragarriak

 erri baten jakintza gorespenerako.

 Ikas dagigun apalik aurrerako bidez

 lan egiten ta, begi argiakaz begiratzen

 atzekoaren ta gaurkoaren jarraipenez,

 Ikas dagigun gauz eredugarri orori

 beren baliotasunean neurria artzen,

 ateak zabalduz argidun oldozkunari.