Itz artean

Muniategi, Sabin

 Itz artean galdurik

 aldibera, zalantzan

 ta, ondo iakin barik

 bizi izatea zer dan.

 Aizeak bultzaturik

 goaz bai, ertzerantza,

 biziro astindurik

 gure gogo izantza.

 Ordu igesak dagoz

 astelentar kondarrak,

 ez diranak oraingoz

 igandetar landerrak.

 Igeskariari eldu

 ta, begiratzen dugu

 aurpegi atzokoa,

 igas egindakoa.

 Ordu aztarna batek

 gogoz agurtzen gaitu

 ta, biotzean ikutu

 berein bizi txinpartek.

 Emakume aurpegi

 luzenga bat daduka

 gure so igesari

 ikutu-mikutuka.

 Oi, bagenkigu iakin

 auxe litz bai iakintza!

 Gauak zenbatzu gauza

 nabaritzen ez dakin!

 Ta, eskerrak, ordea

 Eguerdi bat ba'dala

 ikusteko bidea

 aurrerantza goazela...