Itxasontziak

Muniategi, Sabin

 Viene a borrar la muerte las señales que fueron construyendo tus fronteras.

 Pablo Neruda (La muerte).

 Gezurra dirudi baina, izan, alan da bai,

 itxasoak sortu ditu munduko ontziak.

 Beren sabel sakonean ernal zitun alai,

 arintzeko bakartadearen larri-aldiak.

 Eskeintzapenak ta, itxasbide ezberdinak

 agertzen dira aurre aldetik, ala bearrez;

 su txikiz ereindako goi-alde sorgiñak

 azaltzen dira ego-alde ta, bai iparrez.

 Uberkak uretan. Tximiniak urduri, ketan,

 barekiro ederrik edota, bits aparrez

 itxasoak orroaka, gora-goraka, sutan,

 ontziak dardakiltzen ditu ekaitz zakarrez.

 Zabalgune itzalak, ugiñen arabera,

 ta, uberkak geroago estu, luzeago,

 gau-egunen zoriari askoz lotuago

 kezkatsu ta urduri, egunik egunera.

 Ontzi-enborra geroago ta aztunago

 nekez darraikio bere urbide latzari,

 urak egindako ainbat zauri erasori

 ezin erantzunik, geroago makalago.

 Itxasoaren indar, uginteri zorrotzak

 ibilliaren ibillizko gau-egunberatzez

 masta goituak auldu ditu, usteldu sokak,

 mearturik ontzi-azalak, errerik gatzez.

 Elburu-bizkar iasoriko muga-bazterrak

 lurrera datoz, erdoiturik, ezebezera,

 amaren sabel sakon, amaren magalera,

 leneratuz soiñaren ezurpil igerrak.