Itxasoa
Muniategi, Sabin
Neure biotzeko argi dizpillez
or atera nintzan bidebera,
bizitza beraren gorabera
urdurietako eragin bipillez.
Abiatu nintzan ezagutzera
itxasoaren barruko negarra
ta, aren kolko, itxas adarra,
aren kresalezko igikera.
Zuri, orlegi, urdin ta arre,
berein margoko sakon-azalez
aurkitu nintzan bakar, mirabe,
gazigezazko bits, ugin artez
Itzal ta laņozko esparruan
aurkitu nintzan bai, esitua,
zadorrezko estalki barruan
ainbeste itxasoz arritua.
Goiz gorrizkota arrats gorrizko
egutaro odoltsuz gaindua
aurkitu nintzan, negargarrizko
munduaren aiotsez zapaldua.
Itxasoa zan bai, itxasoa,
berenalderdi txar ta onakaz;
eguzkia, euria, laiņoa,
orotariko aize, ekaitzakaz.
Aizeaz, aizeaz batez ere
astintzen duan aize gogorraz
aurkitu nintzan an, noragabe,
neure bizi-nai estuaren lorraz..
Biziak darakusgu ontzia
nolaz erabil, nolaz noratu,
ikusiz nungoa dan aizia
iakin gero nola eratu.
Oldarka, gogor datorrenari
eman bai amor, bear danean
edota lotu, eutsi trinkoki,
eutsi bulartsu bai, ten-tenean.