Gora begira

Muniategi, Sabin

 Udako begi beroak gora begira dagoz

 goiz ta arratseko zerupe ozkarbian,

 euriz zamaturiko odei baltzik ete dan,

 lurrari ezetasuna emoteko asmoz...

 Lurra kezkati dago ta, pena aundiz dago

 euri eder baten maitetasun gogo biziz

 gozatsu ta samur, noiz etorriko ete dan

 zalantzaz dago, egunik egun minduago.

 Orlegiak iges dagi ta, ori, beilegi,

 alor zoro zimel dakusgu gora begira

 noiz etorriko ur laztantsu ori!

 Lurrak maitemindu batek lez dan begiratzen

 odei bidez letorken eurizko iturrira.

 ta, gogo aundiz biotza yako zirimiritzen.