inprimatu
Gauza apalak
Izenburua:
Gauza apalak
Sinadura:
Muniategi, Sabin
Urkizaren iruzkina:
Egilea(k):
Muniategi, Sabin

Argitalpena:
Karmel.
Urtea:
1974
Argitalpenaren urtea:
Alea:
4
Orrialdea:
58

 

 

 

 

faksimilea ikusteko


Gauza apalak

 

Muniategi, Sabin

 

 Beren gaiki, izate, senez,

 gauza apalak ditut maite

 eguneroko bizi izatean:

 arratsa eta egun sentia,

 alkia, maia, leio irikia,

 itxasoa, elurra, mendia...

 urrutiraņo aurkezten dan

 izadiaren goibetasunez,

 gogo-ikuste ederrean

 begiak sakonduz nabilte.

 

 Itxasalde zabaletako

 barealdi ta ekaitzaldiak

 uin goiberatsu, urduriak,

 zugaitzak, zelaiak, ibarrak,

 ogia eta ardoa, sagarra,

 iratza orlegi, alorrak,

 ta, eskua goiruntz iasoaz

 kilin-kolo, ibilten oztaz

 dakiten ume irriparrak.

 

 Maite ditut baita arako

 len izandakoan alikatuz,

 alkar-izketa pozgarrietan

 berein bizi-aldi oroituz,

 eguzki-egun epeletan

 ipui-eleka biltzen diran

 udazken elduaren orriko

 atso-agure urtetsuak.

 

 Udaberri, Udazkenetan

 -lorekunde ta orbelpez-

 mintzo ixil ta abots leunez,

 aldiro goiberatzen diran

 zugaitzak, zelaiak, ibaiak,

 beren sorgai ta izanbidez

 zerbaiten itzal, arrimena,

 poz-ikutua dakarkitenak!

 

 Maite ditut gauza apalak,

 bakoitzaren biotz-arimaz

 eguneroko bizi-lorrean,

 lainko Apurņo Zoragarriz

 ezkutu maitezko ariakaz

 ta, ederdura ikusgarriz

 bizia goitarazten dutenak!!

 


inprimatu