Bost aboski (A.E.I.O.U.)
(A) Ama maitagarri, laztana,
maitasunezko sugar, zama,
biziaren oņarri zarana..
subil, enbor, egur-zarama...
(E) Beti lirain ta, beti eme,
apain jantzita, kalez-kale...
(neska, andra, Oi, emakume!
bizitzaren zuztrai ta abe!).
(I) Maitetasun argi-iturri,
ur atsegin ta edangarri,
edari garden, asegarri,
biotz ororen argigarri.
(O) Gure eguneroko opil,
ogi zuri eder, borobil,
ta, aurrerapenezko gurpil,
igiarazten gaituna bipil.
(U) Izudurazko negar-oiu,
negutar ale zirimoltsu...
ezken ametsik ez birrindu,
orriak lez ai, ez lurreratu!