Aurrerabidezko ekintzaz
Muniategi, S.
Aurrerabidezko ekintzaz iziotu biotza
ta, zoaz, dagokiozun lantegi alorrean,
itxaropen-gogoz, jazorik zeure abotsa,
biotz zabalezko ereintza maitekorrean.
Landu zure gogoa, ardurapeko lurra,
gero, uzta on baten galburuz egiturik,
gosea erabat kendu edo bazterturik,
zutoitu dedin anaitasunezko ikurra.
Igarozko ameskizun, orriak aizean,
lurrera datozenak, urteen aztunean,
banan-banan, zugatzak lez, orriak galtzean.
Noizdanik bako igaro bearreko bidea,
beren neke-neurri luze edo laburrean
alegin gaitez betetzen geure egitea.