A, nundik nora
Bidaguren, A.
A, nundik nora, aren ondoren nebillen ni,
begiak aren egaztadatan nebazala
aren lurrin, atsa, usaindu nairik, amesti
nebillen, gogoa aren lepoan nebala.
Ibili aisez, eder eta, lirain nekusan
gorpuzkera arin sorgiņez, lilluragarri,
neure barrurengo ikusi begitukeran
kilikari, nik nai bezin urbil ta urruti.
Irudi naigarri ori neugaz nerabillen
uneoro eta ez neutson eskurik luzatzen
aren naikuraz maitebera, laztan ibiliarren.
Maitearen maitez, koldar, ez nintzan ausartzen
aren begien eskabideari urreratzen,
ta tamal aundiz itzi egin neutson aldentzen.