Mixioari laguntza
Muniategi, Abel
Ala bearrez arkitu nintzan
Lengoan apaiz batekin;
Premiņ aundi bat adierazten
Eman zidan itz auekin:
"Bearrezkoa izan bear du
Euskal sinistearekin
Mixioari lagundutzea
Bakoitzak al duanakin.
Anaitasuna, Kiston aginduz,
Lenbizi bear deguna;
Agindu ori aztuta dago
Gu bizi geran eguna.
Norbera ongi, bestek or Konpon,
Maite aberaztasuna,
Aurrerapena guzion Jainko,
Ta Luziper bakalduna.
Teresa Done Lisieux'kuak
Bai ager anaitasuna!
Gogoan artu bear genuke
Eman zun ikaskizuna:
Mixio alde eskeņi zuan
Pozik bere eritasuna.
Biotz barruan artua zeukan
Arima zaletasuna.
Ainbat milloe siniste gabe
Egonik ludi onetan
Emen gaude gu lasai Jaunaren
Naiarekin jostaketan.
Iņola ezin iraungo degu
Onela aldi luzetan,
Baldin ez ba'da kezka su laster
Sartzen gere biotzetan.
Mixiolari zintzo-sendoak
An dabiltz nekerik-neke.
Euskal kistarrok au ikusita
Nola ba egon gaitezke?
Beste aldetik begiztaturik
Apirka esango nuke:
Kistoren naia ezetsitzera
Iritxi ote lezake?"
Esna gaitezen, anai maiteok,
Lo onek utzi gaitzala!
Gogoan euki dezagun orok
Jaunaren itzen itzala:
"Izugarria da uzta salla
Langille gutxi dirala.
Ugazabari esan langille
Aunitz bidali ditzala".
