Zure babesean, ama!
Muxika, Luis
Egun zoritxar batez,
samiñetan negarrez,
zurean sar
nintzan erromes;
baiña biotzak
bildurrez,
kezka du ta zalantz...
oiñ zuretan
arkituko
ote edo ez
abegi oneko
babes...!
Zure irriaren azkure,
(nigan atsegin bete),
senti nuan
bar-batez,
t'ordun biotz ene
zorion atsegiñez
ase,
Zuregan uste
guztia ixur zuan
bildurge.
Abegi-on aiñ ezti
xamurkiro barru-barruki
nuan bai senti,
ta biotz mamiña
urratu ere
ainbat maitasun diña
buru nere
ikuski...!
Ordundik, Izaskun'go Ama.
oroi zureak narama
amets urdiñetan
egaka,
aingeru bainintz....
ats goitarretan
Jainkoarengana....
bere magalean
onela,
nadin egon
aunditasun bere ausnarka...!
Jainkoaganako lo-zorro
ortatik ernai berriro,
Zuregana biur
oi naiz eztiro,
laztan gozoan
biotz zurean
ixur
egitera maite lelo...!
|