Txiruliru xamurrean

Muxika, Luis

 Or zagoz, txori,

 xoil, txantxangorri,

 jardunean txiruliru.

 Zenbat eneri

 ezti dagion

 abots zureak, ez dakizu!

 Papar gorrixta,

 moko luxia,

 isats beltza, txit lerdena.

 Ain zera zardin,

 ain zera papin,

 txoriñoetan kuttunena!

 Aldizka txan-txan

 mokuaren puntan

 eztiro dagiguzuna;

 ta gero egan

 xaltoz zabiltzan

 txori maitati-biguna!

 Negutean ots

 txio to txiots

 biotz mindu, erien antz

 leion gaberoz

 dagizu xorrotz,

 penak iraulka ta arantz.

 Zure txiotsak

 neri arantzak

 sakon zast-zast biotzean;

 t'ordun barneak

 samin zureak

 miaz oi ditu kolkuan!