Olermen-arnasak

Muxika, Luis

 Igaroz euri,

 eguzki argi

 ortze goibelean nausi

 noizbait da jarri.

 Goia ozkarbi,

 bai dala txit ikusgarri!

 Begira nago

 goiruntz luzaro,

 odei beltz ote igaro.

 Euzki-gur oro,

 nun-nai da bero...

 Udan gaude onezkero.

 Poztasun-giro,

 ez dantzut txio,

 ez ere asto-arrantzik.

 Intxaurpe nago

 patxaran gozo...

 Nun ba sosegu oberik?

 Ostoak pirpirka

 laztan xamurdun

 ematen didate musun.

 Itzalpe goxo...

 aiñ ezti... añun

 ez nik beñere ezagun...

 Errekaren ur

 piñak, zumetan

 dagi ixilkiro mur-mur.

 Zergaitikan, ba,

 ene biotza

 ur kuttun onen da bildur...?