inprimatu
Esna adi, txoriño
Izenburua:
Esna adi, txoriño
Sinadura:
Mujika, Luis Mari
Urkizaren iruzkina:
Egilea(k):
Mujika, Luis Mari

Argitalpena:
Karmel.
Urtea:
1959
Argitalpenaren urtea:
9
Alea:
2.zk.
Orrialdea:
9

 

 

 

 

faksimilea ikusteko


Esna adi, txoriño

 

Muxika, Luis

 

 Ernai, ernai,

 ene txori...!

 

 Deika zegok

 olerkari!

 

 Olerki-musa-txoriño,

 zer dagizu ixillean

 txor-txor ezti kanta barik

 goi-irudimen nerean?

 Zure abots marmariña

 ez dantzut ez aspaldian;

 ba-dut kezka ote zeuden

 nerekin ba aserrean...

 

 Udaberriko polit-xoil

 zure abesgarri,

 amets-lilluraetan bait

 zeukaten ba olerkari.

 Orain, orde, duzu ia

 itxi moku polit ori,

 t'orregatik nik biotza

 emana bai tristurari...!

 

 Esna ta jeiki, eneño,

 ta abestu biotzari,

 maitasunezko jario

 jori-xamurño bai dari

 abots kuttun zureak

 biotz minberati oni,

 bigunki dana utziaz

 atsegin-irriz ler zori...!

 

 Ernai, ernai,

 ene txori...

 Deika zegok

 olerkari!

 


inprimatu