Entzun, olerkari

Muxika, Luis Mª

 Zer dagik, biotz

 geldirik ain otz,

 ez duk senti ots baten dei?

 Zer duk, olermen,

 ain legor, zeken,

 muiñ emanaz ixilleri...?

 Irten pilpilka.

 jori-ibaika,

 irudipenak ugari;

 t'olermen musa

 (ene arnasa)

 erain enegan kantari!

 Abes izadia,

 abes Urtzia,

 abestu Beregan, guzti.

 Oi olerkari!

 duk ire bizi.

 dana biurtu poesi...

 Ats me goitarrez,

 musaren muiñez

 irudimena arrotu.

 T'ordun eztiki,

 biotz maitati,

 dana poesiz gozartu.

 Ots... olerkari!,

 ire opari

 xamur ederrena duk ori:

 otoitza noski,

 olerkiz guzti

 eskeintzea Jainkoari...