Arrate'ko izarra
Muxika, Luis M.
Nora zoaz, usotxo, ain eder egazka?
Arrate gaiņerantza, Izar zurigana?
Ortxe daukot nik Ama mendi-tontorrean,
Zugatz-arkaitzez jori, leza bakarrean.
Oi mendi zoragarri, egiz atsegiņa,
Beiņola nire Amak beretzat egiņa!
Maite-miņez naukaku, Izar me-naroa,
Ta uso antzera, orra doakit gogoa.
Eguzkiaz batera oro da kantari
Goi-arnasaz beterik, nornai ameslari.
Ni be zure miņetan, ameskor ta txori,
Zu goretsi naiean naukazu txit gori.
Zu zaitut Izar ta Ama, Arrate-gaiņean,
Zeruko bide zuzen erbeste illunean.
Argi nagizu, arren, indartu ta poztu,
Ta azkenik, ene Ama, zerura nagizu.
