Pake-eskale
Mujika, Juan
-1-
Gipuzkoa'ko artalderako
euskaldun artzai berria,
ordu onean ba-degu berriz
Argaia agurgarria.
Pozik, gogotsu, entzun genion
Tolosa'n bere itzaldia,
Aita Santuak bialdu digu
premizko sendalaria.
-2-
Sendalari orrek, egite ta itzez.
sendagarririk onena,
agertzen digu zaigula emen
danori maitetasuna.
Ori bera da, Jesus Jainkoak,
ongi erakutsi ziguna,
orixe zaigu zeruratzeko
biderikan zuzenena.
-3-
Maitale zintzo izan gaitezen
Gotzai jaun orren antzera,
maitatuz beti alkar, ta gure
birau gabeko euskera.
Ez gera iñoiz damutuko-ta
maiteki bizi bagera,
bide ortatik Jainko-Jabeak
eraman gaitzan zerura.
-4-
Gure Gotzai jaun maitagarriak
ongi digu erakusten,
beragatikan saia gaitezen
bere aginduak egiten.
Lagun deiogun Gipuzkoa'ko
korapilloak askatzen,
orretarako guztiok asiz
biotzez alkar maitatzen.
-5-
Gorrotoaren ateak itxi,
maitasunari zabaldu,
danok paketsu emen biziaz
ez gaitezen iñor galdu.
Orretarako otoitz egiñaz
bear genduke azaldu,
apaltasuna diruagatik
ez dezagun iñoiz saldu.
-6-
Pake-eskale natorkizute
Gipuzkoa'ko anaiak,
pakearekin senda ditzagun
gorrotoaren erdoiak.
Ori irixteko Jaungoikoari
egiñaz ongi otoiak,
nere iritziz, oiek dira-ta
danon Jabearen naiak.