Luistar

 Arto eta sagarrak

 ostuaz lapurrak,

 ezin gaztetu leizke

 baserritar zarrak.

 Ugaltzen ari dira

 oraintxen okerrak...

 gauetan langille ta

 egunaz alperrak!

 Beartsuai ostu oi

 dien aberatsak,

 gutxienaz erdoituak

 dauzkate biotzak.

 Azalez dirudite

 arkume bildotxak,

 bañan mamiz, ordea,

 txit pizti eskaxak.

 ***

 Pizti arekin jarri

 nuen zer esana,

 bai zuk zuzen artu ere

 bere aztarrena.

 Otzak asi baño len

 emendik da joana,

 eta joatea obe

 alako baldana.

 Naiz ardi narruz jantzi,

 artalderatzeko,

 ziur nago ni ura

 ez dala gauzako.

 Ardi eta moxalak

 lituzke izutuko...

 ¡orrelakoa ez da

 ona iñorako!

 ***

 Sagarra bada aurten

 iñoiz aña ale,

 jaten degu ugari

 baserri ta kale.

 Gañera urrutitik

 ainbeste eskale...

 baztarretan bazegok

 makiñabat jale!