Luistar

 Neska mutil zalegik

 ¿garbiak dirala?...

 Erantzungo dizut nik

 ¡gezurra diozula!

 Mutil neska zalegi

 t'euli su zaleak,

 asko betiko il-da...

 eritu besteak.

 Sua eta "polyora"

 mutil da neskatxak,

 zer jostaki oi diran

 gogaldu bakoitzak.

 Guraso batzuek gaur

 alabatxoak baño,

 olloak beren txitak

 maite ta zaituago.

 Gauz oen isekari

 oi diran lasaiak,

 negar larriz bustiko

 dituzte begiak.

 Orain parre lizunak,

 gero negar miñak,

 berandutxo zotiñak

 oi ditu txoliñak.