Luistar

 ¡Urte berri on! opa dizuet

 euskaldun anai-arrebak;

 onak izaten lagun deigula

 jayo zaigun Jesus Aurrak.

 Gezurrik eta asarre gabe

 maiteki esanaz egiak

 bakoitza benaz saiatu ezkero

 bizi gindezke guztiak.

 ***

 Gure artzai onak izendatuai

 laguntzen saia zaitezen

 eta orrela —bildurrik gabe—

 ibilliko gera zuzen.

 Periodikoa —ona ote dan—

 ongi jakin-da erosten...

 Jainkoa benaz maite dutenak

 bakarrik ditut ikusten!

 ***

 Irurogei t'amabost

 Egutegi neri,

 Donostia'tik dizkit

 norbaitek ekarri.

 Askok nai dute eta

 nabilkite larri,

 geigo eskatu bear

 nere ustez sarri.