Luistar

 ¡Errukarriak! dotriña gabe

 azitzen diran gazteak,

 t'oyen guraso —zabar aundiak—

 ikusten ditu Jainkoak.

 Nai ta naiezko il bearra degu

 jayotzen geran guztiak,

 ta ill ondoren gezur guztiak

 zapaltzen ditu egiak.

 ***

 Eliz da apaizak bear dutena

 daukagu eman bearra,

 emanai ezik —balebil norbait—

 artu lezake bildurra.

 Arrazoi aundiz daula Gotzaiak

 guri eskatzeko indarra,

 t'aitari eman nai ez diona

 oso da seme kaskarra.

 ***

 Lezo'ko "Anaxtasio"ri erantzunaz

 Adiskideak konbidatzeko

 ziza ori ta gaztaiñak,

 gutxi dauzkagu —eta gañera—

 oraindik eldu-ariñak.

 Asko t'ederrak dauzkagu orain

 sagar da gibelurdiñak,

 nai dezunean etorri, bada,

 zorrotz jarrita agiñak.