Luistar
Alkar maite bagendu
bear dan bezela,
ni beintzat ziur nago
batu gindezkela.
Bakoitza bagiñake
katoliko apala,
bildur gabe gurea
litzake txapela.
***
Aida gorria, esti sardea,
ta itulari okerra,
baldin zuzentzen ez bazerate
astinduko det egurra.
Obe dezute lanari ekin
garaiz artuaz bildurra,
bestela sarri berotuko-da
bateon-baten bizkarra.
***
¡AU JENDEA GAUDE!
Urko-lagunen utsegiteak
azkar ditugu arkitzen,
eta txikiak badira ere
oituak gaude aunditzen.
Gero ¡kanpoan! diranak eta
ez diradenak kontatzen,
etxean pertza zuloakin-da...
auzoan eltze konpontzen!
Kalte aundiak egin ditu
maixiatzallen mingaiñak,
eta badira oien artean
itxuraz apaiñ-apaiñak.
Beren erruak itzez edertu...
urkoarentzat zotiñak,
akelar baño urreagoan
dauzkagu noski... sorgiñak!
Besteren oben edo errurik
ez degu bear aitortu,
eta bakoitzak geren biotza
ongi dezagun aztertu.
¡Mingain-luzeak! biotzetara,
txertu gaiztorik ez sartu,
sendakaitza dan minbizirikan
ez dedin, arren, an sartu.