Luistar

 Izkillurikan kaltegarrienak

 periodiko txarrak daira,

 beragatikan, ez utzi oyei,

 sartzen erri ta etxera.

 Paper gaiztoen irakurleak

 naiz ona izan itxura,

 entzun izan der txit zailla dala

 oyek igotzea zerura.

 ***

 Eguzki eta "El Dia" gabe

 t'ordua mutu egunaz,

 tximistargia gure etxeetan

 ez zitzaigun piztu gabaz.

 Beste guztiak il ote ziran

 gau artan negoela kezkaz...

 ¡alaitu nitzan ollartxo baten

 kukurrukua entzunaz!

 ***

 Lantzurde t'izotz, kaskabar t'elur...

 eta txistu-dun aize otza,

 era ortako neguko lorez

 apaindua degu Ilbeltza.

 Aitonatxoak bizar-artean

 gordetzen dute okotza...

 ¡bizakentzalle geran oentzat

 benetan alderdi motza!