Luistar
"Ondartza"'n alde jokalari asko
geyegi ziran itxutu,
bere belarrak uste zan aña
ez bai zuten ba pixatu.
Bi ordu ayetan bi segariak
ez ziran gutxi sayatu,
diruagatik ez litzake bear
ainbesteraño beartu.
Lanean ari ziranak baño,
dirua, zutenak maiteago,
Iturriotz'en egun orretan
baziradela ni nago.
Eraginazi nai zioten, noski,
al zuten baño len geigo,
t'obea litzake oyek jokatzea
eragotzita balego.
Arro ziranak apaltzen eta
apal zeudenak arrotzen,
era ortako joera batzuek
antxen ikusi ginduzen.
Irabaztuna nor zan jakin da...
ez zekitenai ostutzen,
ibilitakoak an bazirala
¿egia ote da, ba, arren?
Emakumezko gazte askotxo
gizonezko-artean zebiltzan,
eta ayetako batzuek beintzat
esan leike erdi jantzian.
Lots aundirikan ez zan agertzen
txolin-txoro ayen buruan...
t'egun orretan ayen gurasoak
¿ez ote ziran etxean?
Apustu guztiak galeraztea
alde askotara degu ona,
ia ba orixe egiten duan...
Gipuzkoa'n, Santalo jauna.
Erruki det nik jokuan sarri
t'itxu dabillen gizona;
pustularia, nere ustez beintzat,
zailla da izatea zuzena.
***
Zenbaki auxe euskaldun askok
eskuetan artu baño len,
Luistar ugari, Jaungoikoak lagun,
Anai guztientzat Andre Mariari
jardun nai degu eskatzen,
eta gure Amak gordeko gaitu
lagunduaz onak izaten.