Luistar
Negu onetan geyago ere,
joateko asmoan dabiltza,
Loyola'n ondo ikasten baita
txit bearra zaigun jakintza.
Jakintza orrekin ikusten degu
nola maitatu Eliza,
t'Eliza asko maite dutenak
artuko dute emaitza.
***
TXOLARTE ALDIAN
Igaro aldian joanak dirade
uso, kurrillo t'antzarak,
eta ondoren etorri ere bai
neguko egoaldi kaskarrak.
Sua ederki egiten dute
igartutako egurrak,
eta zer jana badegu aurten
Jaungoikoari eskerrak.
Atari aldeak lokazti daude
udaran legor ziranak,
eta gariak erein naiean
giro-zai berriz gizonak.
Aizea oztu du, gauak luzatu,
eta laburtu egunak,
t'illobatxoentzat gaztaņak pozik
erretzen ditu amonak.
Zorrari bildur ez dionakin
kontuz ibilli mutillak,
t'oraindik ere billatzen dira
irin txaarrezko opillak.
Tantai gerria beren mokoaz
zulatu oi dute okillak,
auzo t'errian kaltea berriz
kristau oker-ta txakillak.
