Luistar
Jentillak kristau egin ditezen
ta kristau asko obetu,
al degun eran guzti-guztiok
bear degu, bada, saiatu.
Bildurrik gabe goazen aurrera
t'irtengo gera garaitsu,
eta garaitsu irteten dana
zeruan betiko zoriontsu.
***
Eskarrikasko, Karmelo jauna,
t'Egoarrietan etorri,
turroi edo... zerbait ordaiñez,
eman deizugun guk zuri.
Egun oyetan apaiz maiteak
ikustea zaigu pozkarri,
musu emateko oyen eskutik
datorren Jesus-Aurrari.
***
Zure etorrerak, lagun maitea,
asko gaitu, bai, gu poztu,
eta illero, len-bezelaxe,
kongregaziora jarraitu.
Andre Mariak, jakiña dago,
seme leyalak nai ditu,
t'ain Ama ona, asko ta beti,
guk bear genuke maitatu.
**
Erri au baño aundixeagoko
uria da Barzelona,
bera ikustean asko arritzen da
lenengo aldiz dijoana.
Gure Gillermok etxeratzean
izango du zer esana,
ura ayentzat ¿esango ote du?
¡t'au dek guretzat onena...!
***
Jesus maitea, guztion Errege,
botzez degu aitortzen,
ibazi baño sari geyago
berak digu-ta ematen.
Ikusmen motza daukaten askok
ez dute au ondo sinisten,
Jainkoa baño dirua geigo
gaur askok dute maitatzen.