Luistar
Euskalerrian oitura txarrak
zoritxarrean indartzen,
ari dirala bi jaun on oyek
nekatsu esan ziguten.
Guraso askok alabatxoak
ez dituzte ondo jantzitzen,
t'ori bakarrik gaitz aundia da
bestela onak naiz izen.
Jantzi motzegik gurasoen-erruz
dabiltzkite gaur geienak,
guraso ayei kontu estua
artuko diote Goi-Jaunak.
Irakurleak, ez ute itz oek
dirala nere esanak,
baizikan beti esan dituzte
Jesus'en ordez daudenak.
***
Berriz joateko gogoarekin
Lourdestik giņan etorri,
ezpairik gabe —Andre Mariak—
gogo au zigun ezarri.
Sinismenean sendotu eta
maitasun geigo alkarri...
ŋan izan giņan pelegrinoak
ez al degu ba, ekarri?
Inglesak eta Beljikatarrak,
Olandar eta Euskaldun,
guztiok batuta otoi egiten
ibilli giņan gau t-egun.
Toki Done artan besoak goruntz
apalki jasotzen giņun,
t'an bezelako otoizlaririk
ez det ikusi beste iņun.
