Luistar

 Bi libururen egille onak

 benaz nai ditut agurtu,

 zerbait lentxeago obe zan baño

 berandutasuna barkatu.

 Aurreko ARGIA ikusi ondoren,

 ¡orduan nitzan oartu!

 zenbaki orretan etzetorrena

 zergatik ez zan agertu.

 ***

 Mallarik bikain-bikañenetan

 Karmelo zoaz igotzen,

 zeruratzeko bide oberik

 zalla da, noski, arkitzen.

 Zure aita-ta senide danak

 dauzkatzu pozez-txoratzen,

 lagunak ere, jakiña dago,

 guztiok zaitugu maitatzen.

 ***

 —Agur euskaldun anai maiteak

 t'agur urte zar betiko,

 etzi ezkero zure aztarrenik

 ez du t'iñork arkituko.

 Ludi ontako aldi ta gauzak

 dira sarri amaitzeko...

 ¿nork daki, bada, erbeste onetan

 noiz arte geran biziko?

 Urte zarra ondo bukatu eta

 berria obeto astea,

 biotz-biotzez opatzen dizut

 ARGIA irakurle maitea.

 Euskalerriko sendi osoa

 asmo zuzenez betea,

 nai nuke ikusi eta azkenean

 guztiok zerura joatea.