Luistar

 Beren maizterraz kupida duten

 nagusi leyal t'on-onak,

 Euskalerrian asko daude gaur

 ezaguera-dun gizonak.

 Badira ere ¡zori txarrean!

 intxaurra bezin zekenak,

 maizter gizajo errukarrien

 erruki gutxi dutenak.

 ***

 "Aldaba zar"'ko Prantzisko Mari

 txikia dala diote,

 gorputzez, noski, baño kemenez

 eta arteziz... ez uste.

 Bearra danean aspertu gabe

 lana egin oi du jai t'aste,

 bertsoetan ere, mutill ona da!..,

 ¡jai duanean zoazte!