Luistar
Gipuzkoa'ko berrogei ta sei
Luistarrek pozez Loyola'n,
Gogo Jardunak egin genitun
Azilla onen asieran.
Egun oyetan ikasi genun
gizon bikañak zein diran,
zintzoak eta apalak, noski,
gezurti-arroak ¡naiko-lan!
Aita Agirre zuzendariak
esan zizkigun egiak,
t'egi oyekin billatu ere, bai,
gure gogoen zauriak.
Luistar maiteak asi gaitezen
alkar maitatzen guztiak,
oben bideak betiko utziaz
bestela egin du gureak.
Lagun-urkoa gorrotatuaz
Jainkoa ezin maitatu,
uste txarretan ez bedi iñoiz
gure gogua lañotu.
Zuzena bear dan maitetasuna
sarritan oi da okertu,
biotza erdizka ez dabil ba-ondo
Jaunak osorik nai baitu.
Luistar zintzoak izango dira
guraso onan semeak,
aitak ta amak txikitandikan
ondo ezitako umeak.
Ondo ikasteko ikaskai omak
bear dituzte gazteak,
t'alaz guztiaz ere naiko-lan
zuzen azitzen maiteak.
Guraso zabar askoren ume
errukarriak benetan,
gaurko egunean ikusten dira
zine t'antzerki txarretan.
Meza entzuteko guztiz zabarrak
entzun bearra dan jayetan,
eta sarritan dabiltza, noski,
onak ez diran dantzetan.
Guraso eta agintariak
t'izperringiak urrena,
beren bearrak ondo betetzen
badute, noski, gaur lana.
Iru-oyetatik gaiztoak geyegi
ludi onetan daudena,
oartu gera ziur ala ere
t'auxe da mingarriena.
***
Jarduera oyek gogoz egiñaz
belar txarrak-ta garia,
berezi leizke-eta sendatu
biotzak daukan zauria.
Goiko Aginduak zuzen betetzen
dituana dala aundia,
ikusiko da bukatu-ondoren
ludi onetako aldia.