Luistar

 Illez ta jantziz motztxo dabiltzan

 gaurko neskatxa txaldanak,

 ez dira, noski, Euskalerrian

 arkitzen diran onenak.

 Erruki ditut oyek emazte

 artzen dituzten gizonak,

 zeru-bidea erraztutzeko

 ai zer nolako lagunak...

 ¡neretzat beintza ez ditut nai nik

 jazkera orrekin daudenak!

 Euskalerriko Luistar anayak

 ¿zer diozute gai ontan...

 ¡oitura txar au galde gentzake

 nai badegu, guk, benetan!

 Gure begiak al da gutxina

 jarriaz txoro oyetan,

 ibili berriz ere gutxigo

 berak dabiltzan tokietan...

 ¡jantz motz oyek luzatu leizke

 olaxe egiñaz sarritan!

 ***

 Jaunak badaki noiz nori eman,

 ez gaitezen asarretu,

 baizikan apal otoitz egiñaz

 bear deguna eskatu...

 ¡eskerrak eman t'eskatu!