Luistar
"Baldatxo"'k dionez mendian dauzka
neguan otzak t'elurrak,
udaran berriz legor: bero,
eta gañera lapurrak.
Beretzat geitxo ez omen ditu
ango irabazi apurrak...
¿nunbaitetikan jan bear, ordea,
gaizki oitutako alperrak?
Ikatza ostutzen mendi orretan
gauaz dabilen pixtia,
ez sorgiña izango, noski,
ain gutxi berriz aztia.
Edozein dala obea luke
oitura orri uztea,
bestela berak idekiko du
inpernuko atea.