Luistar

 Illun bizi dan norbait ote da

 ARGIA'k ostu dituna?...

 nor dan ez dakit — dakidana da

 ez dala oraindik gizona...

 ¡ez dala oraindik gizona!

 ***

 Lagun urkoa maite ez duanak

 ez du maitatzen Jainkoa,

 maitasun onak osoa bear du

 erdixka ez da naikoa...

 ¡erdixka ez da naikoa!

 ***

 Apustu oyek obe litzake

 eragoztea betiko,

 Igandez beintzat aurrerontzean

 ez al dituzte utziko.

 Oitura orrek jarraitzen badu

 ez gera ondo biziko,

 garai dan arte oroi gaitezen

 jayo giñala iltzeko...

 ¡jayo giñala iltzeko!