Luistar

 Txori, xoxo ta birigarroak

 ekin diote kantatzen,

 Udaberriko garai onetan

 oyek gaituzte alaitzen.

 Gure degun txantxangorria

 ez da azkena jeikitzen,

 txepetxa ere bere txulotik

 mutil ona da azaltzen...

 ¡mutil ona da azaltzen!

 Txepetza degu txori txiki bat

 uste aundiak dituna,

 berritxu ta arro gain-gañekoa

 baña jazkeraz txukuna.

 Bere jarleku billatu oi du

 tantai adarrik lodina,

 eta lagunai esaten die

 nik agintzen dit geyena...

 ¡nik agintzen dit geyena!

 ***

 Joxe guztioi zorion agurra

 pozez dizuet bialtzen,

 bigarko eguna zuena dala

 gaurtik naiz aurten oroitzen.

 Norbaiti iñoiz, ondo esana

 ez zait egundo damutzen,

 guztikin leyal: baña Joxe'kin

 adikide nai det izen

 ¡adikide nai det izen!