Luistar
Eskuz pelotan bi erriditan
Atano, noski, txapeidun,
Azkoiti bada, beti bezela
Pelotari ta euskaldun.
Laburditarrak maite izan arren
Zu irabazle nai bai nun,
Ala gertatu dan pozarekin
Zorion dizut... ¡ezagun!
***
Errauskin orrek bertsoak azkar
T'egoki ditu moldatzen,
Bidani ortan jardun zitzaigun
Egi bikañak kantatzen.
Erlijioko gaietan beintzat
Ez da atzera gelditzen,
jarrai dezagun bide ortatik
Euskalerria maitatzen.