Luistar
Baserritarrak (gaur egia da)
Ez dabiltzala motelak,
Ori bai baña, Pernando ordea,
Aparta uan ¡mutillak!
Karidadea il zala esanaz
Jo zitunean ezkillak...
¡Bete zizkaten noski-aguro
Ustuta zeuzkan aspillak!
Amezketako Pernando zaigu
Liburutxoan azaltzen,
Euskaldun azkar benetakoa
Nola utzi, ba, aztutzen?...
Beste iñori ez bezelako
Gauzak zitzaizkan oroitzen,
T'oyek zer ziran jakin nai dunak
Errexak dauzka billatzen.
***
Jesus'en urren Maria'k gaitu
Geien geiena maitatzen,
Egi onezaz ¡ludi onetan!
Zein gutxi geran oroitzen.
Sinispen ortan Bere oñetan
Apal auspeztu gaitezen,
T'aspertu gabe otoizten jardun
On zaizkigunak eskatzen.