Udaberria
Mugica, Emiliano
Atozte bai aguro
atozte choriak
zabalduaz guziok
mokocho garbiak;
zuek poztutzea nai
du udaberriak,
poztu zaitezte bada
ta egiñ kabiak.
Eguzki eder ori
azaltzen danean,
zerua jartzen zaigu
begien aurrean;
printza dizdizatzean
gaueko intzean
alako poza bat da
sartzen biotzean.
Kantari egaztiak
artzayak koplari
eskertuaz guziak
udaberriari;
nun nai jayotzen dira
loreak ugari
estaliaz gorputza
ill dan neguari.
Lore usai gasoak
alderdi danetan
aize bigunak artzen
ditu egoetan;
¡ara lorea franko?
ibar t'aldapatan
krabeliñ churi gorri
politak benetan.
Jaunak agertzen ditu
bere lan aundiak
apainduaz ederki
zelai ta mendiak;
naiz uste dauzkagula
zabalik begiak
ez ditugu ikusten
gauzaren erdiak.
Paraisoa egin
zuanean Jaunak
sortutakoak dira
lore oek danak,
belar eta ostoak
¡begira zer lanak!
oyek emen eta ¿zer
zeruan dauzkanak?
|