Mokoroa'tar Justomari'ri, lenengo aldiz meza santua eman dunean
Emiliano Mujika
Txikitan artu zendun asmoa
erabakiaz Goi gaien zale
gogo zenduna iritxi dezu
damutasunak goibeldu gabe.
Bide artatik gaur zeralako
aunditasunik aundinen jebe,
ezin sinistuz ainbat zorion
zure aitamak zoratzen daude.
ŋBarrengo poza gaņezteko lain
ez al da bada gertatzen dana,
zure itzez ere baldin badator
zeru ta lurren Jabe ta Jauna?
Jaungoiko Seme dan Jesukristo
zure bitartez orra gugana
maitasun eske, t'ordain dezazun
esker beltzeko gizonen lana.
Ondo dakizu Euskalerrian
oyetakoak asko gaudela
zenbait gauzetan bero geranok
naiz Goi gaietan biotz epela.
Dezakezu ta lagun iguzu
arindu dedin gure goibela;
bideak galdu t'itxumustuan
amildiraņo goaz bestela.
