Gauzik ederrena
Emiliano Mujika
¡Zenbat oker datozen!
¡zenbat atsekabe!...
egoten geralako
kistau jakintz gabe.
Ezin izan iñola
zorionan jabe
bide gaizto guziak
zabalik badaude.
¿Ez dakigun bidean
nora joango gera?...
errezena joaten da
toki okerrera;
geren esku daukagu
nai degun aukera,
noruntz dan jakin gabe
ez asi aurrera.
Aundi ta txikientzat
da lege berdiña
berritzen lanik gabe
betiko egina;
gairik onenak ditu
sendatzeko miña
zuzendu nai badegu
okertzen dan griña.
Asko bizitzen dira
mintsu ta negarrez
kezka guziak bota
leizkela txit errez,
egizko pozik gabe
gau t'egun bildurrez
ondoren txarragorik
ez balitz, ezer ez.
Argitu nai det, illun
neukan adimena,
obenak oñazpira
goruntz oroimena...
¡Iritxi gentzakegun
gauzik ederrena
azken asnaserako
Jesusen izena!
|