inprimatu
Neurekikoak
Izenburua:
Neurekikoak
Sinadura:
Mujika Egaņa, Robustiana (Tene)
Urkizaren iruzkina:
Egilea(k):
Mujika, Robustiana

Argitalpena:
Euskerazaintza.
Urtea:
1989
Argitalpenaren urtea:
Alea:
7.zk.
Orrialdea:
42

 

 

 

 

faksimilea ikusteko


Neurekikoak

 

Tene

 

 Itzali zaizkit beti-betiko

 gau ozkarbia izarrak...

 Ez ditut berriz nik ikusiko

 euren dizkira ederrak!

 

 Aiendu zaizkit itxas-mugetan

 ikusten nitun ontziak,

 egun garbian euzki galdatan

 dizt-dizt dagiten pitxiak.

 

 Itxas-mendarte batutxo baten

 ni jaio nintzan txokoa,

 illundua zait bere egalunen

 orlegi iraunkor gozoa.

 

 Udaberrian ase oi nintzan

 izadiaren ederrez,

 oraindik dakust sarritan

 oroimenaren indarrez.

 

 Urrutirik ez; ingurua motz;

 laiņo artean argia...

 guzia nabar begien lausoz

 ene Goiko Jaun aundia!

 

 Ikusi ezin an gallurreko

 kurutzearen besoak,

 igerri ezin ekaitz osteko

 intzirkiaren margoak.

 

 Enaratxuak non ote aurten

 urteoroko kabia?

 Tellatupean? Ez det ikusten

 maitien detan txoria!

 

 Pozik nintzake onenbestekin

 ene Jaun ata Jabea!

 Baņa naiz otoitz itxu ez nadin,

 Zure naia da nerea.

 


inprimatu