Arno'ko kurutza
Tene
Leiotik neretzat aurrez aurre beti
gaillurrean zutik dagon kurutza...
Maitasun-legeak ludian geznari
gure erriko mendi-tontor bakoitza.
O, Arno mendian zeru-lurrean mugan
ikusten zaitudan kurutz lerdena!
Gogora mintzatzen begietan dedan
ikusgarri eder eta onena!
Gogoa doakit sinismen egatan
beso-zabal zauden gaillurreraiņo;
Ai! ludi osoa nere besoetan
eraman al ba'nu, ainbat naiago.
Bera, asabagandik gogoan damagun
Jaun sinispenaren ikur maitea,
Aberri nerean elburutzat degun
goi-aberrirako zuzen bidea.
Asabak bezala or goian zaitugu
errien gaiņetik gure jabetzat;
asabak bezela gaur bean nai degu
zure irudi deuna geinkean ainbat.
Baņa etsaiak gaur, jaurti nai zaituzte
arki nai zaitugun toki guztietatik!
Zoritxardun gerran, ba, lotuak gaude
azkatu gure Erri, oien menpetik!
